鍾欣桐（阿嬌）、陳偉霆（William）及詩雅昨晚到旺角朗豪坊出席英皇電影《前度》報捷謝票見面會，William與詩雅更即場扮售票員賣飛。William表示《前》片上映三日已大收逾百萬元：「Mani喺微博度話如果票房過五百萬，我就要除褲，我依家練習點樣快啲除褲而唔畀人知！」問到有匿名信指他曾追求阿嬌、阿Sa、鄭融及G.E.M.，他馬上否認：「入面啲女仔全部都同我拍過戲，係造謠者做出嚟！」對於有指他與Angelababy交往時已相當花弗，他說：「係就攞證據出嚟，如果唔係就唔好再造謠！」
至於因趕拍廣告而姍姍來遲的阿嬌，否認曾與William拍拖：「係咪玩o架？個幾月拖？我哋拍套戲都冇個幾月啦！拍咗十幾日之嘛！（有冇撻着？）冇可能！佢唔係我杯茶，佢當我係師姐，唔夠膽追我！」