港姐候選佳麗昨日到印度首都新德里兩大著名景點紅堡及甘地墓拍攝大特寫，雖然烈日當空，礙於當地較保守，故她們亦入鄉隨俗，謝絕性感，僅以T恤及三個骨褲示人，但密實T恤仍難掩(3)張藝婷的豐滿上圍，當她與(4)文凱玲合照時，恍如「高山Vs平原」，令前者更「奇峰凸出」。

對於被印度男士圍觀，李文煊坦言不介意，亦不擔心被博懵。

港姐在烈日當空下拍攝外景，有苦自己知！

張秀文眼腫爆瘡

為了保護白滑美肌，佳麗不時撐着太陽傘，其中(11)「密實湯唯」李文煊坦言到過最熱的地方只是泰國：「有少少辛苦，天氣太熱！（中暑？）咁又冇！都有不停飲水。（出發前你好雀躍？）係呀！依家冇咁多Energy（能量）雀躍，太熱喇！不過印度比我預期中乾淨，雖然冇乜垃圾桶，但都唔算污糟！」但她透露有佳麗服食瘧疾藥後感不適。對於被當地男士圍觀，她說：「佢哋好有禮貌！（驚唔驚被博懵？）唔驚！好多工作人員睇住。」至於(15)張秀文除了一雙大眼袋外，更因對化妝品敏感而爆瘡：「可能搭飛機影響，有啲水腫！我會爭取時間休息。」

馬國明（右）與羅仲謙拖手遊街，場面趣怪。	佳麗撐傘防曬，唯獨莊思明（中）樂於與陽光玩遊戲。	李俍嬿的英文名Kitty易記又討喜。

此外，任嘉賓的羅仲謙笑言因「Hello Kitty」而對(14)Kitty（李俍嬿）印象最深，他透露曾任港姐嘉賓的馬國明有教路(目及)女：「我哋覺得質素平均，馬國明話遲啲會愈睇愈有味道！」他又笑言最怕着衫曬太陽：「喺香港點會着長褲曬，一早除晒衫啦！」席間，他與馬國明模仿當地人拖手行街的習慣，「斷背」味甚濃。