以Rainbow（胡心諾）為首的組合Donut（冬甩），成員Ar Yu與Irene昨日出席富士通電腦活動，以小背心及熱褲上陣晒性感。對於周秀娜聲稱不認識冬甩，Irene不甘示弱地說：「佢唔識唔緊要，最重要啲客同Fans識！佢哋先係我哋嘅米飯班主。（見面會唔會自我介紹？）唔會刻意，如果佢同我哋打招呼咪會囉！唔一定要某某人識我哋。（送本寫真畀佢？）佢想要可以問我哋公司攞！（有冇興趣睇佢本寫真？）冇考慮，佢送咪睇囉！」至於Ar Yu則認為各有各做，不在意其他人的看法。
另外，提到寫真集銷量破8千本大關，Irene透露公司會將舉行Fans泡泡會，不過只是吹泡泡，而並非擁抱，但會考慮以比堅尼上陣。
