蘭茜上周六與妹妹Ali在荷里活一間酒店泳池曬太陽，換上泳裝的她，腳上的酒精監察腳帶亦曝光。同日下午，她與妹妹及好友Victoria Hervey轉場到友人家出席派對，現場有逾百名賓客，當中包括型男謝勒。蘭茜當時已穿長靴遮掩腳帶，亦只飲提神飲料。雖然未有醉酒，但她一樣醜態百出，除了煙駁煙冇厘儀態，更突然摷胸自摸曬日光浴幾乎走奶外，又因疑似飲泣要用紙巾抹眼淚，舉止騎呢。

去年11月在摩洛哥酒店開幕派對上「認識」的蘭茜與謝勒，當日再於派對重逢，當然亦有下文。蘭茜起初雖然一早發現「獵物」在場，卻以退為進先與友人吹水，等待謝勒自動獻身。

施淚功以退為進

結果謝勒真的主動走近她，她即時姣勁十足，謝勒見她雙眼似哭過，亦禮貌地擁抱她安慰，兩人寒暄一番後更雙雙吸水煙，臭味相投，感情有增無減。一名採訪的狗仔隊說：「睇得出蘭茜幾恨走埋去溝謝勒，又想佢埋嚟喺自己朋友面前打招呼，好似謝勒係佢認識嘅明星朋友之中，少數仲同佢傾得兩嘴咁！」

冧完謝勒，蘭茜當晚換上低胸短裙，於夜場真空上陣大解放，並以另一對長靴遮腳帶。