藝人身為公眾人物，言行舉止都要好謹慎！向來形象健康嘅張敬軒（軒仔），多年來甚少負面新聞，不過當身在外地，佢即時放低戒備，仲喺眾目睽睽下同人互相爆粗問候，認真斗膽！
軒 仔：之前我去咗歐洲旅行，當地風景同博物館令我嘆為觀止，人在他鄉我都Wild咗！
小小So：點解？
軒 仔：話說有日我企喺條斑馬線旁邊等緊過馬路，咁啱有個揸住紅色跑車、戴住名牌太陽眼鏡嘅男人想轉彎，但前面有架大貨車擋住佢視線，佢以為我想衝出馬路，點知佢絞低車窗「乜You」我，我嬲到即刻「乜You」番佢！
小小So：你咁大膽？
軒 仔：當時我好嬲嘛！如果佢「砵」我都仲可以接受，唔使「乜You」囉！呢個問候太「親切」喇！
小小So：講完粗口有咩感覺？
軒 仔：喺香港就話要顧形象啫！不過喺第二度講我又好爽好開心喎！哈哈！