有線奪得今屆世界盃獨家播映權，但無綫仍做足準備，為觀眾帶來最新消息，對於節目《世界盃動起來》被炮轟粗製濫造，無綫上屆世界盃節目主持李克勤大講好說話：「好難答！佢哋出發點都係想做好節目，聽講佢哋播嘅動畫用咗好多錢，已經好有誠意！佢哋都好難做，因為買唔到版權！」問到會否返無綫「救亡」？他說：「千祈唔好咁講，而且呢刻唔會，因為公司同無綫嘅問題未解決！」
另外，《世》於周五、六及日只錄得6點收視，昨日無綫再接到3宗投訴，包括不滿主持人七嘴八舌兼齋Talk冇片睇，而廣管局亦收到17宗投訴，包括不滿無綫免費台看不到世界盃，亦有觀眾投訴有線播放世界盃畫面不清晰。對此，無綫外事部副總監曾醒明表示無綫只可播放有線提供的畫面一次，他強調已斥資7位數字向法新社購買模擬片段。