大前晚的無綫世界盃節目《世界盃動起來》，引起網上熱烈討論，有網友指主持之一張國強（KK）公然調戲前天氣女郎黃婉曼，但KK揚言只是有人心邪而已！
張國強（KK）每晚都在錄影廠中評述模擬球賽，而黃婉曼則以天氣報道形式介紹球賽資料，前晚KK介紹黃婉曼出場時說：「黃婉曼有波、有地域性、有天氣資料，幾有創意！」其實他是讚揚黃婉曼的報道形式，但由於語帶雙關，在旁的阮兆祥等忍不住笑出來，而網友亦指KK公然調戲黃婉曼！
網友讚抵死
對此KK卻不以為然：「係有人心邪啫！我講嘅係佢個環節，想讚吓佢有觸覺，吹捧佢令佢開心啲啫！我一向埋頭做自己嘢，唔識佢咩『跳出香港』，做咩調戲佢！」他未有為批評不開心，更指黃婉曼反而多謝他，原來KK這句說話，令不少觀眾亦讚揚黃婉曼。
其實不單黃婉曼多謝KK，連監製亦讚他做得好，夠生鬼，不少網友亦讚他識搞氣氛，輕鬆有趣又抵死，更認為他比李克勤好得多。