容祖兒、泳兒、鍾舒漫、鄭希怡（Yumiko）及洪杰昨日出席英皇珠寶呈獻、明珠台即將播出的電視劇《24》記者會及啟動儀式。祖兒身穿Ann Demeulemeester時裝、腳踏Givenchy 6吋高踭鞋到場搶鏡，她說：「以前最多3、4吋，依家唔使諗，趁青春靚晒！」至於有指常穿高踭鞋會影響生育，她說：「預咗將來對腳會唔掂，可能日日要着健康拖鞋！（影響生育？）生先算，人都未搵到，生舊肉咩！我出席公眾場合先會着咁高，出場前會好似村姑咁着拖鞋，落咗南瓜車先着高踭鞋！」

鍾舒漫（左起）穿Deep V裝，與Yumiko及泳兒鬥艷麗。

鍾舒漫（左起）、Yumiko、楊諾思、容祖兒、泳兒及洪杰昨日主持開幕儀式。

祖兒透露閒時也注重儀容，沒有化妝就要戴墨鏡：「自己唔靚就要警惕自己，點知邊度有記者同鏡頭o架！」她自爆試過晨早七時穿高踭鞋到機場登機，現在回想起也自覺「戇居」。

Yumiko新屋旺事業

至於Yumiko早前被指與化妝師男友搬入西貢豪宅，起初她避忌地說：「唔知喎！」幾經追問才默認：「呢排係搬咗，新屋幾旺，成日飛，有半年都唔喺香港！」問到會否打算拉埋天窗，Yumiko反應甚大地說：「冇諗！我鍾意工作，結都要有人求婚先！（箍實男友？）唔使！我仲有兩年時間可以等，又冇諗住生小朋友，所以寄情工作先最重要。」