四太梁安琪幼女何超欣（Alice）本月12日11歲生日，當日已和父親賭王等家人慶祝，但昨日在姊姊超盈的安排下，假深灣遊艇會舉行名為「Alice and the Wonderland」生日會，廣邀80位同學及好友出席。這次聚會別具意義，因超欣將到英國讀書，故這次也是她的歡送派對！

賭王難捨愛女

昨傍晚六時許，超欣在超盈陪同下現身，一向視Lady GaGa為偶像的她，以金色長假髮繫上大蝴蝶結、身穿Bodysuit配黑皮褸，加上一對長靴，以另類版「Alice GaGa」造型示人，既可愛又有型！她表示母親還未看到其造型，更以「一切順利」作為生日願望！

至於愛妹心切的超盈同樣以GaGa造型現身，她透露賓客也會以此造型出現，派對中妹妹不會唱歌，而妹妹將往英國讀書，令賭王大感不捨：「佢尋日已經同我哋食咗午飯，慶祝咗兩日，佢唔鍾意小朋友咁嘈，所以今日唔會嚟！超欣間學校好近兩個哥哥間學校，佢哋會照顧妹妹，Daddy都好唔捨得佢。（送咩禮物？）Daddy送錶，我送衫同埋呢個Party，佢個造型都係我整。」

唔驚細妹拍拖

超盈表示自己和弟弟都是這個年紀往外國讀書，稍後會陪妹妹去英國考試：「佢由細到大都好獨立，識照顧自己。（驚佢拍拖？）冇所謂！不過都唔會，佢讀寄宿女校，都唔會有男友。」