早前冬甩的Rainbow及師妹Irene於寫真集中齊齊泡泡浴，成功製造話題，由A. Lin（裴殷）同DaDa Lo（盧頌之）組成的SugarBeez亦不約而同玩同性共浴，而且意識更激，兩人不但又摸又攬，當纏綿到戲肉時攝影師更要求加插枕胸鏡頭，令斷背情疑幻疑真！

由去年舊八模起，A. Lin及DaDa不論工作或私人時間都形影不離，早前爆出A. Lin與曾國祥的多角戀後，DaDa更表示是目擊者，跟A. Lin情如姊妹的她更激動地數臭男方！事後A. Lin表示往事不堪回首，但亦爆出曾被TB追求，她說：「我覺得同女仔點Close都冇殺傷力，而且同女仔一齊瞓覺又可以傾吓心事，總之感覺好舒服，所以今次拍寫真同DaDa一齊沖涼一啲尷尬都冇，而且我哋嘅全相對方都見過晒！」

A. Lin攬實浴巾拍照時甚為肉緊。	DaDa今年突然升Cup，令身材更有睇頭。	經歷情傷的A. Lin，拍寫真時分外投入，眼神充滿「怨氣」。

攬到實唔尷尬

在拍攝寫真集期間，DaDa表示影出浴抱抱照不覺得尷尬，因她們平日也會這樣做，即使A. Lin枕在其胸部上也沒所謂，她說：「以前細個讀書上體育堂，女仔同女仔都少不免會有身體碰撞，而且大家仲會一齊換衫添！」事後A. Lin更大爆DaDa上圍升Cup：「好彩DaDa第二度發育，個胸比以前更柔軟好枕！」