鄭伊健熱愛運動，潛水同打羽毛球樣樣齊，即將43歲嘅佢六舊腹肌依然結實，健康又Fit到漏。小小So最近約咗伊健下午茶，見佢餐後攞出一個玻璃樽，樽裏面有好多黑色小藥丸，令到小小So好好奇……
小小So：伊健，你食咩？一粒粒黑麻麻，營養食品？
伊 健：防腐劑！傳聞話我食防腐劑保青春，哈哈哈！
小小So：唔怪之得你仲成個細路仔咁語無倫次啦！講真，究竟係咩嚟o架？
伊 健：中藥，一直我都有睇中醫，咪睇我外表好似好Fit，其實副機器好殘，外表30歲，但中醫師話我內臟機能係70歲阿伯。
小小So：你成日做運動，生活好健康o架！
伊 健：我都以為係，但醫師話我後生捱得多，所以依家要調理多啲，食中藥同做運動，仲要早睡早起。
小小So：做娛樂圈早睡早起，真係好難！
伊 健：咁就睇吓你要健康定係金錢？我揀健康！