曾以「Rachel Chan」之名，推出文字書《Rachel外景手記》後，林熹瞳（前名：陳曉華）今年轉戰寫真集戰場，堪稱多才多藝的Rachel說：「其實今次本寫真集主要Sell靚人靚景，唔係賣弄性感，而且除咗做節目主持外，都有參與過舞台劇編、導、演不同工作，我對演藝工作有濃厚興趣，雖然最鍾意都係演戲，但當年演藝學院畢業後，咁啱有機會做主持，我都想累積唔同經驗，後來約滿有線，我就轉投依家呢間新公司，希望做番多啲演出工作，有機會都想唱歌出碟，但一步一步嚟啦！」

姓名：林熹瞳（Rachel） 三圍：32C、24、34 身高：165 cm 體重：105磅 演出經驗：《怪談》、電影《蝴蝶飛》、《男兒本色》	Rachel自信心十足，有望在模戰中突圍而出。	放大圖片

信心十足

對於即將推出的寫真集，Rachel滿有期望：「我有份參與今次本寫真集嘅構思，揀相都有畀意見，希望買我本《Fantasy of Art》嘅朋友，可以透過呢本寫真認識一個立體嘅Rachel，包括音樂、戲劇同藝術各個不同層面，雖然書展期間有好多模嘅寫真集湧現，但我嘅定位唔同，對自己充滿信心。」

Rachel趕上模熱潮，推出寫真集。

Rachel在《怪談》中與司徒法正合作。

咀屍留陰影

轉戰模界的Rachel未有放下演員身份，早前她演出電影《怪談》咀屍一幕後，仍未覺怕怕，更揚言若再有靈異演出，一樣會全力以赴，她說：「雖然我拍完嗰次咀屍後都失眠，夜晚瞓唔到覺，但陰影已慢慢沖淡。（唔敢再拍有關靈異嘅節目？）又唔會，每樣工作都係神的見證，我信主跟拍靈異嘢係冇牴觸。」