馬浚偉與陳法拉昨日接受查小欣電台節目《巴巴閉邊個夠我查篤撐》訪問，二人透露私底下感情要好，跟楊怡及鍾嘉欣等都以兄妹相稱。馬浚偉表示拍攝期間，曾經為法拉指摘工作人員，他說：「法拉當時準備演嗰場戲係好難演，點知就有啲唔係咁啱嘅聲音出現，我就突然間火起，鬧個工作人員：『做乜呀依家？咩事先？』」

在旁的法拉指他跟蒲松齡性格相近、愛抱不平：「有時佢會有少少脾氣，可能係冇惡意，不過只要一肚餓或者有少少不滿，就會好大聲、好惡，嚇親好多女仔。」馬浚偉亦踢爆法拉在感情生活上性格刁蠻，故曾多次勸導對方要好好改善。

唱K見「妹夫」

雖然馬浚偉對幾個「妹妹」寵愛有加，但女友絕不因此呷醋，他笑言喜歡跟法拉唱K，暗示與法拉男友薛世恒見過面，他說：「見過晒啦！點都要見吓我呢個大佬吖嘛！」

另外，馬浚偉以神偷Look為新劇《隔離7日情》拍海報，他透露將於聖誕推出食療書籍，問到為何不在書展推出？他笑言怕不敵o靚模！