隨着o靚模組合「冬甩」寫真面世，今年暑假的o靚模大戰如戰在弦！昨日Kama、DaDa與組合RubberBand出席《PS3遊戲『2010FIFA南非世界盃』揭幕禮》，最近被色情網站盜用相片宣傳的DaDa為防走光，用釘書機釘起兩件球衣，衣着明顯密實！相反，Kama捲起球衣，在心口打結谷「事業線」兼露出小蠻腰，成功撼嬴「咪神」！

DaDa踢波射中RubberBand的阿正，對方一臉痛楚！	Kama束起球衣露出小蠻腰，表演頂頭槌！	「封胸」上陣的DaDa，俯身時難免失守！

相片被盜用擬報警

活動上，藝人在台上大玩吹氣足球，RubberBand結他手阿正不小心用波「省」中DaDa胸部，DaDa俯身時更露出「事業線」，她亦不甘示弱用波「省」正阿正下體，阿正隨即扮痛掩着要害，場面搞笑！問到相片被色情網站盜用一事，DaDa說：「知道咗有少少唔開心，不過公司會保留追究權利，考慮會報警處理。（啲相點解會流咗出去？）可能係我之前喺社交網站Upload過。（有冇影過啲性感相？）冇！就算有都係自己Keep，一定唔公開。」

DaDa為相片被色情網站盜用一事而不開心，Kama則得戚地說：「暫時未試過，我覺得假如畀鹹網盜用都冇咩所謂，當係多個宣傳渠道。（咁開放唔驚畀人調戲？）呢啲冇得避嘅，不過喺學生時期，試過同個女仔一齊放學，畀個阿叔當街問『靚女，你跌咗條底褲？』嗰時我覺得好尷尬，應該唔好理呢啲人。（驚唔驚同DaDa比較？）我都冇『E神』（E Cup身材），冇咩好比較。」此外，Kama即場示範頭槌，笑言在家中苦練球技，用枕頭練習。