本文重點
冬甩成員胡心諾（Rainbow）、Irene、Ar Yu、Jelly Girls及陳國坤等昨晚出席亞視外購劇《李小龍傳奇》派對，眾女性感登場，場面火辣！不過論性感程度，冬甩先贏一仗，其經理人更於現場派發新鮮熱辣的寫真集，更指6個封面中，誰人銷量最高便獲得5位數字獎金！
對於Freeze成員石詠莉（上圓圖）不留情指冬甩名是狗公名，身為大師姐的Rainbow亦不畀面還擊:「呢啲新聞唔回應！我哋專注工作，嚟緊會有隻歌，因為我哋係動漫節女神，對於嗰啲批評真係冇咩感覺，總之我哋有青春同陽光！」Irene亦附和說：「呢件事情唔值得我哋去回應！」
Jelly Girls撐Suyen冇整容
至於被冬甩搶風頭的Jelly Girls，大方表示不介意，更力撐入圍港姐的成員Suyen冇整容：「我哋識佢好耐，以前一齊做Model，佢冇整容，可能係眼睫毛長咗，令大家懷疑啫！（個鼻都變埋？）打鼻影啫！（以前靚定依家靚？）一樣，港姐一定要支持！（擔唔擔心影響勝負？）每個人都有負面影響，佢真材實料！」
至於以李小龍打扮出現的陳國坤，慨嘆近期不少李小龍系列先後開拍，卻沒有人邀他演出：「可能全部都係拍佢後生，我30幾歲，應該唔會預我！不過我都唔想重複演，而我亦覺得李小龍係冇人代替到，因為佢打嘅時候有種懾人魅力！」