周柏豪繼《夠鐘》MV找鐘浠文（Zelia）做女主角後，日前兩人在《我不要被你記住》MV中再度合作，今次是柏豪親自邀請她，因為兩首歌是一脈相承，《我》是上集，《夠》是下集，Zelia已變成柏豪的御用女主角。
兩人在MV中扮演一對好友，但關係曖味，當男友對她不好時，Zelia就找柏豪出氣，故MV不乏變態鏡頭，如柏豪被領呔蒙眼，又要被Zelia掌摑，柏豪說：「初時Zelia唔敢真打，NG咗好多次，之後我同佢講唔緊要，放馬打落嚟，前後畀佢摑咗20巴至完成。」結果柏豪的面留下掌印，嚇得Zelia狂Say Sorry。
不過，導演總算對柏豪不薄，最後一個鏡頭安排兩人咀嘴，Zelia還胸壓他，令柏豪享盡艷福，他說：「呢個係我MV初吻，拍攝前都做足清潔同試啱位，（Zelia好唔好咀？）佢個嘴好腍。」