即將推出寫真的冬甩成員Rainbow（胡心諾）、Ar Yu、Vilian及Irene昨晚出席電影首映，期間與曾批評她們的Freeze成員陳樂榣及石詠莉僅差一分鐘到場，雖然沒有狹路相逢，但冬甩仍毫不留情寸爆兩位前輩，Rainbow更句句有骨地反擊：「每人都有賣點，我哋都有其他嘢做！仲去過世博宣傳！我哋樣靚身材正！（係咪Sell青春？）我哋係青春啲！冇得呃！呢個係事實！（Freeze之前都Sell性感，不過模出嚟之後就收斂咗！）冇留意，注意自己工作多啲！」
對於冬甩的寸爆言論，石詠莉亦不甘示弱，她接受電話訪問時直言不知冬甩是組合名字：「我屋企隻狗公都係叫『冬甩』，好Cute吖！」談到Rainbow指冬甩樣靚身材正，她說：「我哋都唔弱！各有各做啫！（佢暗寸你哋老？）唔覺！每個人都會老，我唔信後生一世！Keep住Kawaii（可愛）囉！我都做過後生！」
