陳美詩早前被爆同孫耀威喺台灣攬攬錫錫拍拖，小小So好奇點解兩個唔同世界嘅人會走埋一齊呢？老孫出咗名係潮人，根據往績只會鍾意楊秀惠款嘅「辣妹」，但今次突然轉口味愛上斯文大方嘅美詩，而美詩為迎合男方，亦盡量打扮得In啲，連手機iPhone都換上桃紅色潮款殼。
小小So：你個iPhone殼顏色好靚喎！
美 詩：朋友幫我喺美國買返嚟！聽講香港淨係得啲潮舖先有得賣，都幾貴，成五百幾蚊。
小小So：同咗孫耀威一齊，成個人潮咗？
美 詩：哈哈！我都潮開，唔係受佢影響，可能我個樣斯文呃到人，本身好男仔頭，細個阿媽都擔心我嫁唔出。
小小So：依家好恨嫁？老孫講到你追佢咁？
美 詩：係啦！我都有問過佢，佢就笑晒口！邊有可能女仔追男仔㗎！我唔得囉！只係佢病，大家由朋友開始互相關心，唔知幾時開始有感覺。
小小So：老孫個樣好似唔會結婚？
美 詩：佢唔結婚都唔會同佢一齊，呢方面大家有共識，我同佢都係會結婚同鍾意小朋友，我阿媽見過佢之後話佢係個好男仔，好彩未有催婚，唔會畀太大壓力我哋。