陳偉霆、泳兒及跳舞組合HotCha昨日出席《韓國美食節》活動，泳兒透露有意走跳舞路線：「最近鍾意睇韓國MV，入面有好多故事，形象幾性感。（想性感？）如果公司畀我做跳舞歌手都冇所謂，排舞師仲話安排班肌肉男畀我做Dancer！」
剛從美國返港的陳偉霆自言狀態回勇：「淨係講漫遊電話都用咗萬幾蚊，不過好擔心喺美國使大咗，我諗張單都有六位數！」至於前女友Angelababy被指周旋在他與黃曉明之間，陳偉霆拒絕回應，直言好不容易才抽身：「今次學跳舞係想事業向前，愛情亦希望向前，唔想望番轉頭啦！（Baby嘅事唔關你事？）我哋係朋友。」
