導演劉鎮偉、阿嬌及小方昨日現身商場，宣傳英皇電影《出水芙蓉》，吸引大批Fans到場支持。過氣緋聞男女阿嬌、小方初時有點拘謹，但很快便投入玩遊戲，兩人即場重演戲中騎單車一幕，小方亦不避嫌將手放在阿嬌的纖腰。

戲中小方因教阿嬌游水而相戀，但小方強調未試過借教游水追女仔：「使唔使用呢招呀！（用咩招？）用善良、真誠嘅心，等佢哋願者上釣。」問阿嬌是否感受到小方那顆真誠的心？她笑說：「佢應該係我本善良嘅。（打動到你？）戲中打動到。（現實呢？）佢都唔試吓做，冇誠意呀！」

拒做第三者

問小方會否怕緋聞因電影上映而再被翻炒，他說：「唔會啦！阿嬌有咁多套戲上，都唔知傳得邊個。」阿嬌則不欲介入小方及鄧麗欣之間：「啋！我唔做第三者o架！」宣傳期間播出不少戲中片段，問到會否令他們懷念「昔日情」？阿嬌細聲地說：「係戲中情啫！（有冇問佢同鄧麗欣結婚嘅事？）問咗，佢話唔係呀！（放心晒？）係你哋放心晒，你哋叫我問嘅！」

另外，昨日《我的照片．你的善事》慈善相展中，展出阿嬌的童年水着照，十分可愛。

鍾欣桐詩雅義賣行善　　

電影一部接一部的鍾欣桐，除即將上映的《出水芙蓉》外，由她夥拍陳偉霆（William）及詩雅演出的另一部電影《前度》，亦於今晚假海運戲院舉行慈善首映禮。三位演員先出席由FRUITZ by Philip Stein贊助之電影《前度》慈善義賣活動，為善長簽名，所有善款將全數捐贈「聯合國兒童基金會」。