衞詩與關楚耀去年於日本發生藏毒事件後即遭解約，事隔一年，關楚耀重投娛圈，Jill卻復出無期，但她不愁寂寞，感情生活多采多姿，自與關楚耀分手後，即搭上外籍男友Nic，其後又傳出與Hip Hop音樂人K-Chek撻着。

日前本報卻發現原來Jill已「換畫」，深夜11時許她與一名紋身Cap帽男及家姐衞蘭，前往灣仔買包醫肚，但Jill全程冷落衞蘭，只與紋身男傾個不停，期間二人不時咬耳仔，相視甜笑。買了外賣後，Jill還公然帶紋身男返回衞蘭寓所，男方逗留至凌晨仍未見離開。

摸黑讀經

事後，本報記者聯絡Jill，提到半夜與紋身男返家的事，她直認不諱，但卻堅稱目前單身：「佢係上嚟屋企，但大家只係朋友，我冇拍拖，佢唔係我男友。（半夜上去你屋企做咩？）我哋讀經之嘛！佢係教徒嚟！」至於工作方面，Jill表示經常聽英文福音歌，希望日後可推出福音碟。