曾國祥近日被爆女友多多，同時跟o靚模A. Lin及Ivy拍拖，盡享齊人之福！A.Lin及好姊妹DaDa Lo更合力在微博發功暗寸男方講大話，大罵男方是情場騙子，爸爸曾志偉對愛子的情史則一笑置之，撐兒子可以溝夠30個。

雖然當事人曾國祥一直潛水未有現身，但直至近日，再有人爆料指曾國祥曾跟洪天明舊愛Lillian亦有感情瓜葛，更指兩人拍拖數月後火速分手。模特兒出身的Lillian恃住「洪天明舊愛」身份參選今屆港姐，一度受到矚目。A. Lin、Ivy到Lillian三位女主角均是年輕、身材好，曾國祥嗒盡模界，實行「Easy Come Easy Go」的速食戀愛！

本報致電曾國祥求證，他對於傳聞表現驚訝：「吓？我有朋友識佢。（係咪洪天明？）唔係，係另一個朋友，我同佢梗係冇拍過拖啦！（出面澄清？）我呢一刻唔想回應住，嚟緊會一次過出嚟講。（聯絡A. Lin或Ivy？）冇，好耐冇聯絡啦！」本報致電Lillian求證時，電話接駁至留言信箱。

A. Lin學懂包容

此外，舊愛A. Lin昨日則在微博留言：「每個人都是在有限的環境作最好的選擇，我們常問為甚麼你會這樣？這問題本來就存在不諒解，也許你在他的位置上就會一清二楚了，所以多學習包容吧！」未知是否已為這次的感情糾紛而釋懷。

此外，曾與Lillian拍拖的洪天明，對於舊愛捲入曾國祥的「多角戀」則全不知情，還反問記者：「佢同邊個拍拖有咩問題？」問到會否覺得Lillian很花心，天明則力撐舊愛：「我唔清楚，佢自己覺得開心咪得囉！（覺得佢作為半個女藝人，感情生活咁豐富有損形象？）咁好難講，感情生活嘅嘢，好嘅就喺埋一齊，但要分手嘅都控制唔到。」