吳彤日前邀得攝影師家姐Karen為其新專輯封面操刀，他大讚家姐很有藝術天分，可惜欠缺耐性：「佢細個學好多嘢，但全部都係3分鐘熱度，初時估佢學攝影都係玩玩吓，點知又畀佢搵到人生目標，好戥佢高興！」他還踢爆家姐戀愛大過天：「佢係愛情至上嘅人，一拍拖就乜都唔理，全情墮入愛河。」吳彤表示是次出碟本不想打擾家姐：「由細到大都係佢話事，今次要聽佢命令擺甫士，搞到好難投入，好彩出嚟效果好，如果唔係都唔知點喇！」