新婚的Lisa S.早前曾透露將會與老公吳彥祖（Daniel）在香港及美國補擺喜酒，昨日她出席護膚品牌SK-II活動時說：「下個月27號會喺香港搞個結婚Party，到時會有廿四味唱歌助興，因為請太多人，地點仲未定。而8月7號就會喺美國拉斯維加斯、爹哋做總裁嘅賭場Caesars Palace Las Vegas舉行婚宴，邀請約三百位親友，到時我同Daniel嘅父母都會出席，不過未知會唔會有斟茶呢啲傳統儀式。」
她坦言婚宴會「玩花臣」：「我唔會着中式裙褂，想簡單啲着一條裙就夠！當晚嘅菜式仲係「中猶合璧」，即係有中菜同猶太菜。」好奇的她更詢問中式婚宴是否有七道菜，認真大吉利是！此外，她自言婚後感覺更踏實及有安全感，並揚言與老公「No condom,no pills」（不避孕）努力造人，但不會因有BB而放棄電視台的工作。