今年蔡穎恩（Evelyn）與陳嘉寶（Anjaylia）拍住上出純情寫真，雖然性感欠奉，但勝在青春搭夠，加上形象健康，令孖妹成為廣告商搶手貨！最近她們連續第三季被本地時裝品牌2%睇中，繼續擔任旗下O.D.F 2010年秋冬的Image Girl。

Anjaylia大賣青春可人。

Evelyn飲水食藥稍作休息。

承諾「萬歲」食餐勁

早前Evelyn因帶病上陣拍攝而悶悶不樂，身旁的Anjaylia除了安慰她外，更向攝影師表示自己先拍，好讓Evelyn再多休息一會。

Evelyn頂硬上開工，一臉病容，終忍不住跪在地上狂咳。

放大圖片

到二人合照時，病情愈來愈嚴重的Evelyn頂硬上，可惜一開始拍攝即咳個不停，更撐不住跪在地上，令拍攝要暫停！Anjaylia非但沒有責怪她，還替她遞水及止咳藥，十足保母！她還代Evelyn向工作人員說：「唔好意思，可唔可以停5分鐘先再繼續。」

事後Evelyn感動地說：「好彩有Anjaylia喺度，真係好多謝佢同工作人員咁體諒我！等我好番一定會請佢哋食餐勁。」