能為女生悅容的Chanel，最新推出一系列春夏唇膏，無論熱情如火的紅唇，還是純情的橙色，已令擁有美唇的傅嘉莉深深着迷！
想當年不流行閃令令唇彩，Chanel一支紅色唇膏，簡約長方形的唇膏盒，頂蓋印壓CC Logo，成為今日經典。早前Chanel推出新一系列Rougee Coco唇膏，顏色多達逾30種，更貼心為亞洲女生推出獨有色系，令近日經常飛往日本工作的傅嘉莉（Kelly）一見傾心。
今次Kelly會示範兩款春夏妝，紅唇造型予人高貴成熟感覺，而橙色唇膏配銀啡色眼影，則塑造充滿透明感的甜美裸妝。問到喜歡哪個造型，Kelly說：「其實兩個妝都好鍾意，紅色唇膏可以出席高貴場合，而第二個Nude色嘅妝，好襯我近日曬黑咗嘅膚色！」早前Kelly遠赴日本拍廣告，她大讚當地女生對妝容技巧：「原來佢哋每日都用至少一個鐘嚟打扮，永遠將自己化到最靚先出街。我好羨慕佢哋嘅髮型，我估係因為當地天氣冇香港咁潮濕，所以Set個髮型都靚啲！」