鮮有演喜劇的吳卓羲（Ron），最近在劇集《巴不得爸爸》及處境喜劇《女王辦公室》中大放笑彈，其中在《女》劇中的四眼薯嘜電車男造型，更令人耳目一新，不但為他在喜劇方面殺出血路，更成功助他「洗底」，抹去緋聞及是非纏身的負面形象。

吳卓羲上網取經，學演入型入格的電車男。

吳卓羲在《女王辦公室》中飾演薯爆電車男，與馬賽有感情戲。資料圖片

望獲觀眾認同

自誇有喜劇細胞的Ron表示，想不到入行10年才有機會拍喜劇，對於成功「洗底」，他說：「之前嘅經驗同經歷，令我明白娛樂圈嘅遊戲規則，有好多嘢冇得避，包括緋聞同是非，所以首先做好自己，只要有努力，一定有人睇到。（幫你走出事業低潮？）唔係低潮，只係一個經歷，人生當然有高有低，低嘅時候唔會氣餒，高嘅時候唔好驕傲，而我現時仲係處於默默耕耘期，希望有朝一日得到觀眾認同。」

為了扮電車男入型入格，Ron事前做足準備工夫：「第一次做薯嘜角色，感覺好新鮮，不過由於身邊冇乜電車男朋友，所以之前特登上網睇咗好多資料，做足準備工夫，學電車男嘅神髓！」