鄭丹瑞監製、黃真真執導、房祖名與薛凱琪主演的新片《分手說愛你》，講述一對年輕人的愛情故事。鄭丹瑞表示找祖名拍戲，事前要找其母親林鳳嬌詳談：「嬌姐好客氣，見咗面三次，我同佢講成個故事結構。我當時好緊張，因為佢係我成長時嘅偶像，佢整嘅一口雲吞好好味，當日佢一心整畀祖名食，佢好醒目見我肚餓整埋畀我。傾完晒所有嘢，佢都有請我哋去飲茶。」對於電影上映時正值世界盃，他說：「唔擔心票房，邊個檔期都有佢嘅不同因素，唔會有個期全港放你一部戲，同埋啲人唔會只睇世界盃而唔睇戲嘅。」
對於今次找來一對疑幻疑真的「情侶檔」演出，黃真真表示寫劇本時已鎖定二人，貪他們相熟易合拍，但不覺他們真的熱戀：「拍攝床上戲同接吻戲，佢兩個好尷尬，叫佢哋接吻兩個又刷牙，薛凱琪又掛住大笑錫唔到，真拍拖唔會咁嘅！」她又指二人乜都拗一餐，絕對不相襯和不適合拍拖：「祖名好低能，玩包剪揼都玩得一餐。」