本文重點
「星娛樂」女新人鄧芷茵（June Tang）以「不玩神秘 只憑聲音感動你」口號殺入樂壇，與黎明神秘新女JW大唱反調，June揚言只靠靚聲實力取勝，堅拒玩神秘！
日前June接受本報訪問，她透露去年曾與日本女歌手岩村菜菜美組成J-Twins，並推出過一隻單曲《My Dear Friend》，合約完成後，被「星娛樂」力斟「單飛」再戰樂壇。對於宣傳口號「不玩神秘 只憑聲音感動你」被指是力撼黎明神秘新女JW，June說：「唔關事！只係形容我自己，我個人比較Out Going，鍾意同人傾偈，唔鍾意收埋自己，所以唔會玩神秘，我會努力唱好自己嘅歌去爭取歌迷支持！」
與男友分隔兩地
June表示與JW各有各長處，故不介意外界拿她們作比較，她表示會吸收別人長處來鞭策自己，問到覺得自己有何優勝之處？她謙虛地說：「唔好話優勝，樂壇有咁多人，唔可以話一個人玩晒！當中包含好多唱得之人，只要大家一齊努力，樂壇先會百花齊放！」
現年24歲的June不諱言與拍拖兩年的男友感情十分穩定，但就跟身在廣州工作的男友分隔異地，問到男友可擔心她入行後變心？她說：「唔會！咁我都驚佢喺內地識其他女仔啦！大家互相信任啫！」