兩年前Jason來港開騷，獲方大同及薛凱琪擔任嘉賓，不過他表示今次未有時間與他們見面，並指兩次來港都是辦公事，未有時間觀光，他笑說：「但呢件唔係壞事，出國時可以創作同休息，我鍾意隔住飛機同酒店窗口看世界！」

談到新碟進度，Jason說：「我覺得每次都係做同一張大碟，我對12首歌曲嘅編排同意義好執着，改變嘅只係人生經驗同看法，大家聽到時會感到熟悉。」

早前Jason到巴西取經，有機會玩從未玩過的樂器，又與當地音樂人合作，他指未來兩個月也會環遊世界寫歌：「我會先到新英格蘭，再到非洲做義工，推動廢除兒童奴隸制。」兩年半前，他曾到印度展開靈修之旅，原來他看過很多印度作家寫有關印度的書，那時突然收到邀請，令他覺得是大宇宙的意思！

做老竇寫兒歌

此外，布偶劇《芝麻街》曾將Jason的大熱歌曲《I'm Yours》改編為《Outdoors》，他很高興能鼓勵小朋友多點接觸戶外的訊息：「我返到屋企唔會上網，成日喺農場或海邊。」談到其農場正轉型為有機農場，他說：「我唔想直升機喺我頭上灑化學品！」對於其歌曲宣揚正能量，他笑說：「因為我自私，我想每晚表演時都充滿能量！其他人跟住唱時，亦會變成佢哋嘅力量。」他自爆現時單身，將來成為父親後會多點為小朋友寫歌。