本文重點
諸葛梓岐（Marie）與「警鐘胸」模特兒Jessica C.（JC）昨日分別出席廚藝活動，曾在電視節目一顯「地獄廚藝」的Marie，即席與兩位小朋友示範，其後司儀叫小朋友餵她品嘗製成品時，Marie顯得有點抗拒，問到是否對自己沒信心？她說：「唔係！（男友覺得你手勢點？）好！我喺Cooking Mama遊戲入面學到嘢，試過煮意大利粉畀佢食，佢仲成碟食晒！」她更表示有意開甜品店：「我鍾意整甜品！（挑戰Amanda S.？）唔係！佢太勁！（叫男友打本？）咁又唔使！」
睡衣下廚冧仔
至於Jessica C.昨日出席《Pizza Hut 8款大廚口味意粉》活動，即席拜師學藝，並獲讚有潛質，平日愛穿睡衣下廚的她表示，男友不會投訴其廚藝：「因為有次佢話我煮嘅咖啡有怪味，我即刻變得好惡反問有咩問題，自此佢唔敢出聲！」
對於早前替《十大廣告頒獎禮》排舞時疑似露暈，她說：「我有黐膠紙同戴Bra，如果有露到，真係對唔住！跳舞一定會跌帶或縮裙，顧唔到咁多，但我一定有黐乳貼。」