無綫劇集《掌上明珠》將於今晚及明晚播出共四集的結局篇，吸引不少網友討論，有網友希望陶大宇的角色不要死，與宣萱有情人終成眷屬，更傳出《掌》劇有兩個結局，但據監製林志華稱，大宇最後難逃一「死」，大宇說：「其實拍結局時有灰色地帶，可以剪到我唔死！如果唔死嘅效果冇咁好嘅話，我咪死囉！（收視一般？）唔緊要，最緊要係觀眾認同『表哥』呢個角色，表達到人性！（一齊食飯睇結局？）唔會喇！周末我喺外地工作。」
此外，監製前晚請女主角商天娥及滕麗名食海鮮慰勞，娥姐飾演的「碧雲」雖然被網友指「奸到出汁」，但娥姐說：「咪好囉！證明角色成功，其實我個角色係扯線公仔！（現實呢？）有道理咪聽，不過我未來老公多數都有道理。」而阿滕則期待《掌》劇結局有32點收視。