闊別亞視九個月的吳亭欣，昨日再度現身，偕筱靖、姚佳雯、姜皓文、劉家聰及蒲進等扮犀利哥宣傳全新韓劇《愛情犀利哥》，期間不時俯身騷身材的吳亭欣坦言，亞視沒有甚麼大改變，並透露與亞視沒有合約，若公司要求，她會考慮以部頭形式合作。她表示目前幫父親經營環保建材生意，同時兼顧教琴，問到是否不再留戀娛樂圈，她說：「隨緣啦！（擔唔擔心被遺忘？）每年都有多咁多樣靚身材正嘅模，所以要行唔同路線。（咩路線？）未諗到！」

心情大靚的吳亭欣，與扮「犀利哥」的蒲進玩到癲。

吳亭欣（右起）、姚佳雯及筱靖齊以短裙仔亮相，大騷美腿。

望伴侶同甘共苦

年前與顧美華妹夫馮潮澤鬧桃色糾紛的吳亭欣坦言，目前沒有新男友，並笑說：「依家守緊齋！（係咪怕咗拍拖？）都唔會！（冇人追咩？）我比較遲鈍，要人哋開口先知！」問到再拍拖會否了解對方是否有家室，她說：「呢個一定會！最好高大又靚仔，有冇錢冇乜所謂，我依家嘅收入都夠養一個男朋友，但最好佢都可以自己養自己，可以同甘共苦！」