容祖兒、草蜢、鄭伊健及BIG FOUR昨日出席音樂會記者會，紀念已故巨星羅文入行40周年，身為徒弟的祖兒坦言仍很想念他，但不會在台上哭：「籮記演出時都會忍住，我覺得要好好學習，唔好喺台上咁煽情，老師啟發咗我，面對逆境都要挺起胸膛！今次以『獅子山下』做主題好好，呢個係籮記嘅精神！」

草蜢表示要與伊健（右圖左一）組Lamb4，力撼BIG FOUR。

放大圖片

草蜢伊健結盟攞威

當她接受電視台訪問時，天花板的燈罩突然墮地，幸好有驚無險！至於伊健則表示，將獻唱首次上台唱歌時，羅文教他唱的《明日天涯》：「一定要唱得好，唔可以失禮！」而曾獲羅文送戰衣的草蜢，計劃穿上款式相近的舞衣向他致敬。

席上，同屬林珊珊旗下的草蜢與伊健自封「Lamb4」，問到是否與BIG FOUR對撼，蔡一傑笑說：「冇得撼，一睇就知我哋贏梗啦！」張衞健即反擊：「唔好亂用個四字，要攞版權o架！」並取笑「Lamb4」平日只懂逛JOYCE，又望着蘇永康說：「你行少啲啦！」問到「天生異稟」的伊健會否與安仔鬥「大」，他尷尬地說：「你又冇睇過其他三個（指草蜢），你點知呀？」

此外，被指拉攏金牌大風旗下的康仔及梁漢文過檔的安仔，昨日否認做媒，但直言希望四兄弟同一屋簷下：「不過冇人肯簽張衞健之嘛！」對於被指逼走女友余德琳，他認為只是笑料，澄清二人關係不變。