本文重點
去年寫真銷量理想的尹蓁晞（Yumi），今年不隨波逐流玩水着，反而施展Cosplay誘惑！她將力谷五吋事業線，露出23吋纖腰及長腿晒葫蘆身形，兼預告會派貼身衣物搞噱頭！
今年寫真熱潮再度掀起，一眾模紛紛拋胸玩水着搶灘！不過，去年已出過水着寫真的Yumi，今年「逆市而行」告別水着，改為主打科幻Cosplay造型，更透露將花絮收錄在DVD中，擺明車馬挑戰出3D洞房寫真的周秀娜！Yumi將以性感貓女、論盡女僕、露腰女軍人、粉紅俏護士及前衞太空人等多個造型上陣，全部戰衣均以貼身膠質物料打造，盡晒其33C、23、34美好身段！
隨身物送Fans
眼見其他o靚模的寫真拍攝已進行得如火如荼，未敢怠慢的Yumi日前正式為寫真「瞓身」開工！除了力谷五吋噴血事業線外，更大騷23吋纖腰及42吋長腿，極盡視覺誘惑！Yumi更預告於寫真推出當日會「加料」餽贈Fans，務求滿足眾人視覺、味覺及觸覺三大享受：「我打算將啲Cosplay隨身物送出嚟畀Fans。（連着過嘅貼身絲襪都送？）哈哈！唔話你知！」
在眾多造型中，Yumi坦言最愛女僕Look，貪玩的她拿起掃把、雞毛掃及筆記簿等自拍娛賓，但其實她背後吃盡不少苦頭：「件衫啲質料好跣，搞到胸口個位成日就走光咁，出晒力掹番上嚟都冇用，惟有叫助手飛的幫手買乳貼啦！」問到拒玩水着會否怕輸蝕？Yumi淡定地說：「水着我舊年都影過，今年再影就太悶！Cosplay喺日本興咗咁耐，香港又冇乜人用過呢個做寫真主題，淨係新鮮感都贏幾條街啦！我好有信心！」