鍾欣桐（阿嬌）、陳偉霆（William）與詩雅在英皇電影《前度》中有不少親熱鏡頭，享盡艷福的William咀勻兩位靚女，卻表示絕不好受，而且十分尷尬！其中一場與阿嬌激咀的戲份，William與她擠在一張古董椅上狂啜，William說：「雖然同阿嬌好熟，但拍親熱鏡頭難免尷尬，仲要逼喺張櫈度激咀，一方面要顧住鏡頭，另一方面又驚動作太大會撞到阿嬌，仲要交戲添！真係一心三用！」至於阿嬌則表示拍攝一個哄面鏡頭時，不慎與William嘴撞嘴，以致嘴唇發腫。
另外，阿嬌在英皇電影《出水芙蓉》中演游泳高手，為做好準備，她事前接受特訓，一星期游足7日，難怪她笑言訓練可媲美國家隊。
