曹永廉：心思度：★★★★★（5★為爆燈）
曹永廉愛子心切，連電話機殼都用上囝囝的靚樣：「老婆喺美國訂造，外父、老婆同我都用囝囝唔同嘅相做機殼，二百幾蚊港紙，有時朋友問我攞囝囝張相睇，我可以即刻騷電話個殼畀佢哋睇，拍劇時掛住囝囝，又可以即時拎出嚟睇吓！」
自製派：周美欣：心思度：★★★★
周美欣經常為iPhone扮靚，繼在白色機殼貼上黑色花紋貼紙後，近日她又轉新款，自製閃爆Hello Kitty機殼，搶眼之餘又夠Cute。
岑潔儀：心思度：★★★★1/2
岑潔儀（Zoey）：「自己鍾意DIY飾物，呢個機殼係自製，所有閃石材料加埋都係二百幾蚊。最近我有設計iPhone殼喺潮店賣，因為有次喺活動上遇到華哥（任達華），佢讚我啲自製機殼靚，話開舖有得做，咁咪試吓囉！」
浮誇派：杜汶澤、田蕊妮：心思度：★★★★
杜汶澤與田蕊妮是圈中公認的恩愛夫妻，不時打情罵俏，想不到機殼也可晒甜蜜，兩口子用Swarovski閃石貼滿手機，阿田用銀黑色骷髏頭圖案，Rock味十足，而阿澤就貫徹玩嘢本色，以「汽水罐」作外殼。
莊思敏、吳浩康：心思度：★★★1/2
莊思敏（Jacquelin）與吳浩康（Deep）同為iPhone擁躉，不過兩人未有用情侶機殼，Jacquelin閃爆全場，而Deep的機殼就充滿中國色彩，Jacquelin說：「我個Bling Bling殼係妹妹Lisa送，有我個名，啲石係夜光，阿Deep嗰個似陶瓷，幾十蚊咋！」
Jelly Girls：心思度：★★★
Jelly Girls的成員全都用iPhone或iPod，晒冷時異常壯觀：「我哋個個都有，最誇張係立體閃石，又有豹紋同嘴唇圖案，淨色就有令面桃紅同沉色，乜款都有。不過最好特製Jelly Girls外殼，統一啲，又騷到隊形。」
樸素派：傅穎：心思度：★★
傅穎熱愛對鏡自拍，經常與手機合照，只見她常轉外殼款式，有搶眼的令面桃紅色及純潔的白色等，樸素得來，又不會過於沉悶。
鄧麗欣：心思度：★★
鄧麗欣亦不時轉手機外殼，不過就偏好沉色系，由Cool爆的黑色，以至深啡色木紋都是她的最愛。
侯佩岑：心思度：★
侯佩岑的電話小物走簡單路線，是小魔鬼外殼，款式在香港十分普遍，但淡粉紅色跟伊人十分相襯。