昨日「百果園咪神」陳靜（DaDa）與「翻版大S」李莉琳（Liz）出席apm《Hi-Tech全城瞓身睇世界盃》活動。對於有指「浸大E神」楊梓瑤（Carol）與鍾蕙芝（Lavina）的寫真集未能推出，DaDa說：「真係唔知！（可惜？）可惜啩！我哋唔係以水着做賣點，同佢哋市場唔同，不過我都好性感，會着大褸中門大開o架！」
而Liz則說：「係一件好事，少咗個攤位，有多啲人留意我哋！（少咗對手？）嘩！點比呀，佢哋咁勁！（你都有？）冇得鬥，一睇就知唔夠佢哋鬥！」Liz直言最大對手是周秀娜：「我想買本嚟欣賞！」
