為做媽咪犧牲苗條身形的張栢芝，自懷有第二胎Quintus後，體重急升至170磅，故懷孕期間一直不願上鏡。前日，本報記者在餐廳遇見栢芝及大仔Lucas，坐月中的栢芝面尖尖，穿黑色窩釘上衫襯黑褲、頸戴「Lucas」頸鏈，雖然不能與佗B前的Fit爆身形相比，但已比懷孕高峰期纖瘦不少！

栢芝與眼仔睩睩的Lucas大方拍照。

面尖尖的栢芝拖Lucas開餐，十分溫馨。

當日Lucas穿T恤、綠褲配波鞋，對媽咪言聽計從，雖然有傭人相伴，但栢芝仍肩負照顧Lucas的重任，無論是餵食及抱仔都一手包辦！當記者上前拍照時，栢芝的司機即大為緊張，但栢芝仍大方拍照，問到收身良方時，她說：「冇o架，依家湊兩個好易瘦，再加上我食嘢好清淡！（面色好好？）我有飲老爺、奶奶嘅湯水嘛！」

面尖尖拖Lucas掃貨

仍在坐月的栢芝已收身成功，「大肚婆衫」已不合身，故前日特別帶Lucas掃貨 。據悉，栢芝產後不足一個月，已成功由170磅減去30多磅，並於本月28日復工，到上海出席其代言的床上用品公司記者會。對於栢芝於坐月期間極速減磅，婦產科專科醫生羅致廉認為減磅速度正常：「懷孕期間會有水腫、胎水或BB變大等因素令體重上升，生完梗係輕咗，如果餵人奶，卡路里消耗會大啲，減磅速度亦快啲！」另外，一直有廣告商力斟栢芝與Lucas拍廣告，現時細仔Quintus亦大受廣告商歡迎，日前有內地嬰孩品牌以8位數字酬勞請Quintus拍廣告。