向來重視眼妝的Lily認為，眼妝對整個妝容有畫龍點睛之效，但她只敢使用較易處理的棕色眼影，今次嘗試粉紅色金屬持久炫彩眼影膏後立即愛上：「呢隻眼影膏好易推開，我之前好怕化粉紅色，因為怕會搞到隻眼睇落好腫，今次隻粉紅色眼妝分咗幾個層次，再加埋隻王牌持久眼線啫喱，令我睇落好精神，之後我都會試吓自己喺屋企化！」

Step 1 塗上亮麗防曬底霜及粉餅後，用胭脂掃在面頰位輕輕掃上Pale Pink胭脂。

Step 2 在眼瞼薄薄掃上貝殼粉紅色金屬持久炫彩眼影膏，營造淡淡閃爍效果。

除了眼妝外，Lily認為是次妝容有效提升面部輪廓：「清麗粉貝多用途閃爍彩妝盒好特別，除咗可以五隻色混埋一齊做Hightlight之外，亦可以分開當眼影使，入面含有高密度嘅純珍珠閃爍粒子，令眼妝展現獨特嘅幻彩效果！」

Step 3 利用眼線掃掃上持久眼線啫喱，獨特啫喱質感能輕易勾畫自然的實色眼線。	Step 4 掃上派對耀眼睫毛液，並逐層逐層加厚，使睫毛瞬間變得濃密，突出眼妝。	Step 5 塗上Nectarine修護亮麗唇膏，有效紓緩及滋潤嘴唇，減淡唇紋。

愛唇膏夠滋潤

此外，她最欣賞淡橙色修護亮麗唇膏，除了顏色清新夠Summer外，最重要是夠滋潤：「之前我阿姨都要特登買呢個牌子嘅潤唇膏畀我表妹，因為佢淨係用呢隻潤唇膏先唔會甩皮同敏感，我諗係因為呢隻潤唇膏係全天然！」

Step 6 以大蜜粉掃混和多用途閃爍彩妝盒的不同顏色，並輕輕掃於面頰及額頭，凸顯輪廓。

Lily示範粉色系妝容，充滿夏日氣息。

而她平日則喜愛用較淺色的唇膏，若工作需要作成熟打扮，她便會選用深色系列。