陳嘉桓昨日出席金至尊珠寶店開幕活動，穿上低胸裙及佩戴三十五萬元鑽飾，搶盡苟芸慧及朱璇鏡！可惜衣不稱身，陳嘉桓不時露出胸前膠紙及胸墊，相當尷尬：「好少咁性感，都係為咗工作，今日條裙係大會安排，自己瘦咗啲，所以有少少鬆。（走性感路線？）唔會！公司想我做打女，之後都幫我接咗幾套做打女嘅電影。（打女都可以性感？）我仲細，未夠十八歲。（考慮出寫真？）暫時唔會！（做打女好辛苦？）做乜都會辛苦，唔傷到塊面就得。」
另外，崔建邦擔任活動司儀，不算太緊張，問到酬勞有否升跌？他說：「冇問題！好滿意。今次以一個新嘅自己出嚟做嘢，星期日都會為慈善音樂會擔任司儀。（無綫有冇安排工作？）未！（心急？）唔會！自己都要時間去習慣。（你係陳志雲嘅人，驚唔驚喺無綫少咗機會？）今次重新踏出工作，冇諗咁多，有工作就做，希望令人耳目一新！」他坦言與陳志雲保持聯絡，問到對方有否給予意見？他說：「佢係我人生路上嘅恩師，自己出番嚟就好似新人咁，會誠懇啲。」
