在舞台上艷光四射的甄妮，其終極至愛玩意，竟然是穿上污糟衫「返台灣耕田」。談及她的「伊甸園」時，甄妮面上流露自豪之色：「單係蔬菜、生果都有超過15種，仲有好多動物，有雞、鴨、牛、羊，連孔雀都有，我啲孔雀好有性，唔怕人，可以近距離同佢影相。」

放大圖片	甄妮不怕泥濘污糟，享受田園之樂。

她自嘲年紀大了，愈來愈愛平靜、淳樸的生活，閒時最愛與田中的小昆蟲傾偈：「因為佢哋唔會將我啲心事、秘密講出去，係我最好嘅聆聽者，哈哈！」

農莊佔地廣，設有溫室及魚池。	農莊內有羊有雞，甄妮不時親自照料。	甄妮表示農莊種植的有機蔬果，均不含農藥。

活在田園中，甄妮覺得心靈上的滿足，絕不能用言語形容，可能很多活在煩囂都市的現代人，聽見要變回「原始人」、要暴曬、周身沾滿污泥，即會耍手擰頭、雞飛狗走，但甄妮卻說：「I love to do that !」她又自爆：「我耕田啲污糟褲，全個禮拜都冇洗過，啲手甲全部又崩又綑晒黑邊，如果我唔做騷，唔使出嚟見人（傳媒），連甲都唔修，不過我個美容醫生成日叫我唔好再暴曬，咁我最多咪做多啲全身美白囉！」

遇苛刻遊客火滾

雖然農莊帶給她無限歡樂，但她亦曾遇「火滾」事。曾有遊客不滿她要收取約75港元的入場費，她說：「我希望多啲人明白到環保嘅重要性，所以周六、周日開放畀人入嚟玩同食嘢，我哋有餐提供，有有機飲品，仲送小盆栽做紀念品，我只係收番少少營運費，其實我係做一個蝕一個，如果啲人再係咁鬧，我唔會再開放畀街客，只畀啲團體入嚟玩，費事咁谷氣。」