本文重點
劉心悠與羅仲謙擔任婚紗照代言人，心悠笑言若遇上意中人，不排除閃電結婚，婚後更會不設防造人。
劉心悠和羅仲謙早前為蒙娜麗莎拍攝全新婚紗照，因兩人一直以「兄弟」相稱，感情要好，故拍攝時甚有默契，照片感覺亦十分甜蜜。
隨時閃電嫁人
心悠表示雖未計劃何時結婚，但若遇上Dream Man則不排除閃電嫁人。問到心目中的理想婚禮，她開心地說：「我希望可以喺大片綠色嘅草地同白色嘅布置下，着住長長拖尾嘅婚紗結婚！到時我只會請最親嘅親友出席，簡簡單單就得。」心悠更笑言非常喜歡小朋友，故婚後會不設防造人，務求生多幾個肥肥白白的BB。
至於羅仲謙則比心悠計劃周詳，他希望35歲前結婚生仔，理想對象是長曲髮靚女，最好在婚禮上穿旗袍：「我覺得女性着旗袍係最靚嘅，我好樂意着長衫、戴帽襯新娘子。」謙仔透露若將來太太生BB，他一定會入產房打氣！