歐陽靖（MC Jin）同陳奐仁（Hanjin）即將齊齊開騷，小小So見佢兩個本來天南地北嘅人，突然拉埋一齊，初初都覺得好古怪，但見佢兩個一傾偈就雞啄唔斷，小小So只係聯想到4個字「一見如故」，仲要係一凹一凸嗰隻咁夾。
MC Jin：2010年我覺得要執着啲！
Hanjin：反而我覺得一切隨緣。
小小So：點解呢？
MC Jin：唔應該話係執着，應該係乜都要緊張啲，大個仔要有啲改變！
Hanjin：以前我都好執着，依家反而決定一切隨緣。
小小So：吓？咁到底你哋係夾定唔夾o架！咁極端唔會嗌交咩？
Hanjin：好多嘢都係講「平衡」，把握自己條命唔容易，何況控制其他嘢！
MC Jin：我可能係覺得應該着緊啲！又唔會話去到嗌交嘅！
Hanjin：交畀個天安排啦！佢咩都緊張，我唔理咪好囉！可能就係咁，我哋之間得到一個平衡！