香港小姐季軍熊穎詩在港出生，四、五歲時隨家人移居加拿大，由於她自細患有哮喘，故每逢冬季出街總是「大陣仗」，她說：「因為爸爸媽媽驚我凍到哮喘病發，所以每次出外玩都會幫我着好多衫，雪褸、雪褲、頸巾，乜都着晒上身，好似隻糭咁，好誇張。」

由於患有哮喘，熊穎詩自幼與零食「絕緣」，她說：「細個最恨食雪糕、飲汽水，都試過偷食，但後來知道受苦嘅係自己，咪忍口唔食囉！」

熊穎詩難忘小時候舉行生日會，率先戴上「后冠」。	患有哮喘的熊穎詩，小時候每逢冬天都着得密密實實。	熊穎詩細細個已懂得對鏡頭擺甫士拍照。

撼穿頭險破相

細細個的熊穎詩充滿好奇，喜愛在家中四處探索，但卻因手多腳多幾乎破相：「試過畀電飯煲燙傷塊面，又試過撼頭埋牆撞穿頭，好彩大個之後傷疤唔多覺眼。」

遺傳深近視的熊穎詩，少女時戴上厚厚的眼鏡，長相趣怪，亦因為深近視令她錯失機會：「以前四眼妹有畀同學仔笑o架！最可惜係因為近視，所以唔可以參加游泳比賽。」