本文重點
容祖兒昨日與鮑起靜出席《自在人生自學計劃》活動，鼓勵婦女自我增值，自爆與媽咪互相鞭策的祖兒說：「我都成日鼓勵媽咪，唔好因為年紀大就覺得差唔多……」全場立即起哄，驚覺失言的她立即補鑊：「機器壞咗都唔好停，要繼續Run！」事後她再澄清：「我係話就算去到一個年紀都唔好停！」問到有否鼓勵媽咪結識異性，她說：「冇刻意，只係叫佢擴闊生活圈子，反而我性格懶惰，好難識男仔！（唔主動？）我好難主動，性格係咁，冇計！」
南京學針灸
由於早前喉嚨不適，祖兒與媽咪結伴往南京學針灸：「我同媽咪你針吓我、我針吓你，學完就唔使去南京！」但事後又補充說：「講吓啫！因為喉嚨太多神經，好敏感，驚針到死穴，所以唔敢亂嚟！」
另外，祖兒得悉蔡卓妍（阿Sa）的外公病重後，立即傳短訊安慰她：「我覺得佢好Sad，祝福佢！」而阿Sa昨日在內地拍廣告，廣告商特地提早拍攝時間，讓她盡早趕往澳門陪外公。