25/05/2010

播放本新聞相關短片

杜汶澤遭爆樽標眼水

鍾欣桐（阿嬌）、陳偉霆與詩雅主演的英皇電影《前度》，監製杜汶澤亦客串一角，飾演口水多多的醫生，其中一幕講述他被蠱惑仔爆樽，雖然是特製玻璃樽，但因他要求對手出盡力，結果爆到一地碎片，有些更飛濺到阿澤面上，而假血漿則流入他的眼睛，以致不停流眼水！他說︰「阿嬌負責談情說愛，我就負責動作場面，但冇飛車、跳樓，只係畀人爆樽！」

另外，《前》片導演麥曦茵昨日出席講座時說：「我將同阿澤嘅真實對話寫埋落套戲度，佢話『你斗膽』，後來要刪戲，佢都反對刪呢場。」