名模Jessica C.昨日與林峯為千色Citistore行時裝騷，以Deep V裙大晒誘人酥胸，她透露寫真集的全裸照已拍好，更揚言冇底線：「從未試過咁Sexy，希望多啲人買，依家個個都騷胸，好似一個賭注咁。（視周秀娜或Angelababy係對手？）我冇諗，周秀娜好Hot（火辣），Baby好靚，祝大家好運，我會努力。」而她的經理人透過電話，只肯透露該全裸照是有飾物放在身上遮掩。
同場的林峯被問到是否認同Jessica有好身材，他說：「我冇細心觀察。（佢出寫真會捧場？）睇佢係咪送畀我。」另外，同場的李兆基女兒李佩雯對於其家族以十八億二千萬港元投得山頂白加道的私人豪宅地皮，她未決定會否搬進與家人同住。