郭羨妮、馬浚偉及黃宗澤昨日拍攝無綫新劇《隔離七日情》，兩男要吊威吔拍攝動作場面，黃宗澤更自爆是負傷上陣：「之前拍動作鏡頭整親，右腳大髀肌肉撕裂，依家雖然行到，但用唔到力，醫生寫咗三個月假期休息，但手停口停，又要養家、供車供樓、養狗，好彩未使養老婆。（胡杏兒錫番你？）冇啦！佢有問候我。」
馬浚偉則表示今次是吊威吔吊得最高的一次，笑言有點腳軟：「吊到咁高仲要扮型，對我嚟講最有難度。」而郭羨妮自與他冰釋前嫌後，透露她倆現時有甚麼事都會講，不會放在心中：「冇約食飯，但開工日日見。（進一步發展？）冇諗。」
