黃曉明上周六在北京為第二張個人專輯的主打歌《受不了》拍MV，出動巿值500萬元的白色林寶堅尼、天梭名錶、周大福鑽飾及LAFITE紅酒，但最矚目算是其緋聞女友Baby的助陣，二人分別飾演攝影師及模特兒，MV由早上八時拍至翌日凌晨四時，期間Baby參演了8小時，奉旨與曉明相對。

放大圖片	黃曉明歌影兩忙，上周推出第二張新碟。

「阿媽」監場感情零交流

其實Baby與曉明曾各自與舊愛陳偉霆及內地女星李菲兒借拍MV傳情，早前有指曉明翻撻李菲兒而跟Baby「分手」，但當事人已否認。今次拍MV，Baby昨日透過電話說：「係唱片公司邀請，度到期咪去囉！（寓工作於拍拖？）唔係，工作就係工作。（親熱鏡頭或者錫面？）冇，阿媽（指經理人Kim）都在場，更加冇感情交流，導演叫做乜咪做乜囉！」問到可會有其他合作？她表示只要有適合的角色亦可考慮。「阿媽」Kim被問到Baby與曉明復合傳聞？她表示不理會Baby的私生活，最緊要不影響工作。

此外，曉明的宣傳人員劉小姐大讚Baby美艷，問到當晚工作完畢後，緋聞男女可有撐枱腳消夜慶祝，劉小姐指曉明工作完畢後即趕往武漢出席活動，當晚與Baby未有「下文」。